Тренерот на Челзи, Томас Тухел, ги сподели своите впечатоци од победата со 2:0 остварена синоќа над Тотенхем во првиот натпревар од полуфиналето во англискиот Лига куп.
– Чувството е дека ја заслуживме оваа победа. Одличен резултат кој го отсликува текот на играта. Можевме да постигнеме повеќе, иако на Тотенхем не му беше лесно да постигне гол. Создадовме многу шанси, имавме одлични моменти. Сите разбираат дека не очекува многу тежок реванш, уште ништо не е решено.
Импресивна изведба. Лесно е да се каже дека излегоа свежи играчи, но кога не играш долго време, малку е неправедно играчот да го пуштиш на толку важен натпревар и да се бара многу од него. Не изгубивме концентрација, одигравме одговорно. Оние кои не играа во последните недели изгледаа солидно, рече Тухел.
Реваншот е закажан за 12 јануари на теренот на Тотенхем.
