Турскиот опозициски политичар Екрем Имамоглу е „привремено“ суспендиран од функцијата градоначалник на Истанбул, соопшти денеска Министерството за внатрешни работи на Турција.
Тој беше приведен во средата, неколку дена пред да биде номиниран за претседателски кандидат на најголемата турска опозициска Републиканска народна партија…
Имамоглу кој е водечка опозициска фигура и главен предизвикувач на претседателот Реџеп Таип Ердоган на изборите во 2028 година, формално беше уапсен денеска, откако судот му одреди истражен притвор под обвинение за корупција.
Случајот предизвика демонстрации во поголемите турски градови, како во Истанбул и Анкара.
