Времето денеска ќе биде сончево и топло со мала локална облачност.
Ќе дува слаб до умерен ветер претежно од јужен правец. Минималната температура ќе биде во интервал од 3 до 9, а максималната ќе достигне од 21 до 27 степени.
Во Скопје сончево и топло со слаб ветер од јужен правец. Минималната температура ќе се спушти до 8, а максималната ќе достигне 26 степени.
Во следните денови ќе се задржи сончево и топло време со појава на мала до умерена облачност.
Во Берово утрово е најстудено, нула степени, а најтопло во Дебар, 10 степени.
Како што соопшти УХМР, до 8:30 часот два степена се измерени во Лазарополе, три во Попова Шапка и Маврови Анови, четири во Скопје-Петровец и Битола, пет во Крива Паланка и Струмица, шест во Охрид, Демир Капија, Тетово, Велес, Крушево, Претор и Куманово, седум во Скопје-Зајчев Рид, Прилеп, Гевгелија, Штип и Кавадарци и осум степени во Дојран и Виница.
Во текот на ноќта времето беше ведро. Дуваше слаб до умерен, а наместа долж Повардарието и во источните делови повремено засилен ветер од северен правец. Изутринава е насекаде сончево. Наместа дува слаб ветер од променлив правец.
