Времето денеска ќе биде променливо облачно со краткотрајни сончеви периоди, а по одделни котлини ќе има услови за појава на утринска магла. Ќе дува слаб до умерен ветер од северозападен правец, кој наместа долж Повардарието повремено ќе засилува. Минималната температура ќе биде во интервал од 3 до 10, а максималната ќе биде во интервал од 12 до 19 степени Целзиусови.
Во Скопје ќе биде претежно облачно, а во утринските часови ќе има услови за појава на магла. Ќе дува слаб до умерен, а во делови од котлината повремено засилен ветер од северен правец. Минималната температура ќе се спушти до 10, а максималната ќе достигне до 16 степени.
Според најавите од Управата за хидрометеоролошки работи (УХМР), следува период на променливо облачно време со повремени врнежи од дожд со променлив интензитет. Пообилни врнежи се очекуваат во недела и почетокот на следната седмица. Во утринските часови по одделни котлини ќе има услови за појава на магла. До крајот на периодов ќе дува слаб до умерен ветер претежно од северен правец.
Најниска температура од 2 степени Целзиусови утрово е измерена на Попова Шапка. Следат со 4 степени Маврови Анови, Крушево и Претор, 5 во Охрид, 6 Струмица, Виница, Демир Капија, Штип, 7 Берово, 8 Куманово, Прилеп, 9 Тетово, Битола, 10 Скопје-Петровец, Велес, Крива Паланка, 11 Скопје-Зајчев Рид, Кавадарци и 12 Гевгелија.
Фото: архива
