ЗАЕВ: Отворена љубов кон мене имаат граѓаните од сите етнички заедници во С. Македонија

Сите граѓани од сите етнички заедници покажуваат отворена љубов кон мене, изјави синоќа премиерот Зоран Заев кој гостуваше во ТВ Алсат.

– Дали ми приоѓаат и ме прегрнуваат Албанци, не треба да зборувам, само треба да го погледнете амбиентот околу мене, рече Заев во емисијата 360 степени на ТВ Алсат, коментирајќи ја изјавата на лидерот на ВМРО-ДПМНЕ Христијан Мицкоски дека во Гостивар има поддршка од Албанците.

Потоа Заев говореше за тоа „колку им е омилен на граѓаните“:

–Сите граѓани од сите етнички заедници покажуваат отворена љубов кон мене. Не знам дали е мојот пристап таков, дали е мојот наратив таков, дали ликот ми е таков, не знам зошто, рече Заев.

Тој додаде оти е свесен дека има разочараност меѓу Македонците и Албанците од неговите политики, но им порача да не седат дома и да излезат на избори и да се борат за својата земја.