Армијата на Република Македонија согласно Правилото за воен протокол во АРМ, а во врска со одбележувањето на 18 Август – Денот на македонската армија, денеска во Скопје ќе изведе две артилериски стрелби.

Како што соопшти РЦУК-Скопје, во време од 15 до 18 часот ќе се изврши пробна артилериска стрелба со истрел од еден плотун од шест артилериски орудија (хаубица 105 мм), а во време од 19:00 до 19:30 часот ќе се изврши почесна артилериска стрелба со истрел од 10 плотуни од шест артилериски орудија (хаубица 105 мм.)

Артилериската стрелба ќе се изврши од касарната „Илинден“ во Скопје.