Владата на вчерашната седница донесе одлука за поништување на решенијата донесени во периодот од 21 до 31 јануари од министерката за труд и социјална политика Рашела Мизрахи, со кои се опфаќаат решенија за овластување и потпишување, како и решенија за плати и за распоредување, информира денеска владината прес-служба.
Министерката Мизрахи е на таа функција на предлог на опозициската ВМРО-ДПМНЕ како дел од техничката Влада што функционира од 3. месецов, а во пресрет на предвремените парламентарни избори предвидени за 12 април.
Претходно како што објавивме Владата ги поништи и решенијата на министерот за внатрешни работи Наќе Чулев.
