Лидерите на ЕУ се согласија да и обезбедат на Турција помош од близу три милијарди евра според договорот за мигрантите, изјави германската канцеларка Ангела Меркел, цитирана од турската приватна телевизија НТВ.
Таа ја даде изјавата откако шефовите на држави и влади на ЕУ вчера побараа од Европската комисија веднаш да даде официјален предлог во врска со финансирањето што ќе се обезбеди за Сиријците во Турција и другите земји.
Како што е наведено во декларацијата, меѓу темите за кои се разговарало биле состојбата во Источен Медитеран и односите меѓу Турција и ЕУ. Текстот го поздравува намалувањето на тензиите во источниот дел на Медитеранот.
Декларацијата исто така информира за подготовките за дијалог на високо ниво со Турција за прашања од заеднички интерес, како што се миграцијата, здравството, климата, борбата против тероризмот, регионалните прашања. Од ЕК се бара веднаш да даде формален предлог за продолжување на финансирањето на сириските бегалци во земји како што се Турција, Јордан и Либан.
