ВМРО-ДПМНЕ: Техничка влада во февруари, избори во мај, доста е ограбување од ДУИ и СДСМ на сиромашниот народ, и во Тетово и во Берово

Техничка влада во февруари, избори во мај, СДСМ нема кредибилитет да ја води државата, соопшти денеска опозициската ВМРО-ДПМНЕ.

Во продолжение целото соопштение:

Земјата е во економска, здравствена и енергетска криза. СДСМ е главниот виновник за лошата ситуација во која се наоѓа државата и тие не можат да бидат решението.

За државата да излезе од кризата потребни се промени.

Бидејќи и СДСМ и ДУИ се декларираа дека сакаат премиер Албанец, а доколку нивните заложби се реални, а не водени од други побуди. ВМРО-ДПМНЕ го предлага Африм Гаши да ја води владата која ќе ги организира изборите, и тој ќе добие поддршка од опозицијата. Веднаш потоа да се формира техничка влада, а изборите да се закажат за мај месец.

Доколку СДСМ, и ДУИ одбијат тоа ќе покаже дека се што прават е само чист фолклор за да крадат и лажат. За под превезот на национализми да го ограбуваат сиромашниот народ и во Тетово и во Берово, и во Гостивар и во Штип.

Време е на корупцијата и криминалот да им се застане на патот, а тоа е една од најголемите причини зошто се потребни предвремени парламентарни избори во мај.

Центар за комуникации со јавноста на ВМРО-ДПМНЕ