ВМРО-ДПМНЕ: Ковачевски е лицемерен, СДСМ гласаше против предлогот пензионерите да добијат покачување на пензиите од 20 проценти

СДСМ гласаше против пензионерите да добијат покачување од 20 отсто, (Димитар) Ковачевски е лицемерен, се вели во денешната реакција од ВМРО-ДПМНЕ.

Во продолжение целото соопштение од опозициската партија:

ВМРО-ДПМНЕ преку Собранието предложи покачување на пензиите за 20 отсто, со што ќе се постигнеше ефект пензионерите да не ја почувствуваат инфлацијата и да не биде оштетен нивниот стандард.

СДСМ гласаше против, и со тоа потврди дека Ковачевски е лицемерен со пензионерите, и не сака реално покачување на пензиите.

Ковачевски не сака нити покачување на платите во јавниот сектор, и е против усогласување на платите на наставниците согласно колективниот договор.

Ковачевски е лицемерен со граѓаните. СДСМ само зема од народот. Со нив кризата е се поголема, а немаштијата се по присутна.

Центар за комуникации со јавноста на ВМРО-ДПМНЕ