Роберт ФИЦО, премиер на Република Словачка

Ние ги плаќаме сметките, а не сме на преговарачката маса. Едноставно, не е можно некој да купува оружје, а ние да го плаќаме тоа.

Не можеме да прифатиме секој месец во војната да гинат или да бидат ранети 50.000 луѓе, а ние да немаме апсолутно никакво влијание врз тоа.

Пред неколку дена имавме заеднички состанок со украинската влада.

Јас немам овластување да откривам што се разговарало зад затворени врати, ниту некогаш го правам тоа. Но, имав приватен разговор со украинскиот премиер и бев шокиран од тој разговор. Буквално шокиран, особено во однос на војната и нејзиниот понатамошен тек.

Нема да кажам ништо повеќе и не можам да кажам, бидејќи морам да го почитувам тоа.

Што бара од нас германскиот канцелар Мерц? На тоа треба сериозно да се одговори. Но, како суверени држави, како суверени членки на Европската Унија, мораме од тука, од Братислава, да му испратиме одговор на господинот Мерц.

Во име на Владата на Република Словачка, од тука, од Словачка, му порачувам и на господинот Мерц:

Словачка нема да биде дел од следниот заем од 70 милијарди за Украина. Точка. Со тоа завршивме.

А што ќе се случи потоа? Не знам.

Ова е целосна бесмислица. Целата војна е бесмислица. Тоа е убивање луѓе од кое некој има корист – поради пари, поради влијание.

Јас го отфрлам тоа.

Ако германскиот канцелар дојде и каже дека ќе го блокира буџетот на Европската Унија затоа што сака да види дека сите земји ќе го потпишат заемот од 70 милијарди евра за Украина, тогаш мојот одговор е: не.

Ако тој го блокира, ќе го блокирам и јас.

Затоа, уште еднаш јавно објавувам од ова место, и тоа недвосмислено:

Словачка никогаш нема да го поддржи заемот за Украина, односно новиот подарок од дополнителни 70 милијарди евра.

Ако некој друг сака да го направи тоа, повелете. Јас, секако, не можам да ги спречам Германија, ако има многу пари, Франција и другите земји да ѝ дадат пари на Украина. Слободно нека ѝ дадат.

Но, Словачка нема да биде дел од овој заем, односно подарок, како што беше случајот со претходните 90 милијарди, кои веќе беа одобрени во рамките на Европската Унија.

Се надевам дека бев недвосмислен и јасен и дека нема да има никакви дилеми околу мојата изјава.

Словачка нема да биде дел од тоа.