Апсењето на лидер на опозициска партија на еден месец пред гласањето на претседателските избори не е ништо друго освен чин на брутален политички притисок и израз на огромен страв и паника на заевизмот кој губи, се огласи лидерот на ВМРО-ДПМНЕ, утрово по апсењето на лидерот на опозициската партија ГРОМ, Стевчо Јакимовски.
Мицкоски на својот профил на Фејсбук додава:
– Тоа што досега нема ниту една акција против криминал за било кој човек од оваа власт, а сепак ние остануваме држава заробена во корупција на дното во Европа покажува дека е криминална и варварска власта. Очигледно кампањата на заевизмот се апсења, но во исто време тоа покажува и дека Заев драматично губи кај народот.Нема веќе страв. Не можете вие толку да уапсите колку што ние ќе ве победиме. Доаѓа правда за сите, напиша Мицкоски во реакцијата за апсењето на Јакимовски.
