Ќе го уапсиме претседателот на Русија, Владимир Путин, доколку дојде во Германија, изјави германскиот министер за правда Марко Бушман за весникот Цајт.
– Очекувам дека Меѓународниот кривичен суд наскоро ќе стапи во контакт со Интерпол, како и со земјите-членки, и ќе побара од нив да ја спроведат (наредбата). Тогаш Германија ќе има обврска да го уапси претседателот Владимир Путин кога ќе пристигне на германска територија и да му го предаде пред Меѓународниот кривичен суд, рече Бушман.
Тој додаде дека барањата на Меѓународниот кривичен суд ќе бидат спроведени доколку „ногата на Путин стапне на територијата на Германија“, бидејќи Германија ја признава јурисдикцијата на судот.
Претходниот совет на Меѓународниот кривичен суд во Хаг, чија јурисдикција Русија не ја признава, претходно издаде „налог за апсење“ за рускиот претседател Владимир Путин и детскиот правобранител Марија Лавов-Белова, се вели во соопштението објавено на веб-страницата на организацијата.
Во соопштението на судот се наведува дека Путин е „наводно одговорен за военото злосторство илегална депортација на населението (децата) и незаконското преселување на населението од окупираните територии на Украина во Руската Федерација.
Портпаролката на руското Министерство за надворешни работи, Марија Захарова оцени дека сите одлуки на Меѓународниот кривичен суд за Русија се ништовни од правен аспект.
