На Обама му нудат еден милион долари за дебата за тоа кој ги убива луѓето ширејќи дезинформации за КОВИД 19

Стив КЕРШ

Претседателот Обама правилно забележа дека дезинформациите за КОВИД-19 доведуваат до тоа многу луѓе да умираат. Тоа е сериозен проблем и ние целосно се согласуваме. Само не се согласуваме околу тоа кој ги шири дезинформациите.

Сепак, само со укажувањето на проблемот, тој нема да биде решен. Ако претседателот Обама навистина сака да направи нешто значајно за да го реши проблемот, сè што треба да направи е да ја прифати мојата многу разумна понуда за дебата.

Среќен сум да преговарам за заемно прифатливи услови за дебатата и поттикот. Ако монетарната стимулација е прениска, можеме да ја зголемиме. Ако е превисока, можеме да ја спуштиме. Ние сме флексибилни. Но, се надеваме дека поттикот треба да биде да се спасат невини животи. Не ни треба паричен поттик за да ја прифатиме дебатата. Моите пријатели и јас сме најголемите светски раширувачи на дезинформации, така што ова е единствена можност за претседателот Обама да „продолжи со разговорот“ и да го реши еден од најголемите проблеми на пандемијата и да спаси милиони животи ширум светот жртвувајќи четири часа од своето време (или уште помалку ако сака стручњаци.

Обама неодамна беше во Стенфорд (што е блиску до местото каде што живеам), но ја прочитав СМС пораката околу еден час предоцна за да бидам таму. Тој рекол: „Луѓето умираат поради дезинформации“.

Тој е апсолутно во право за тоа. Се согласуваме. Но, тој е оној што ги шири дезинформациите (заедно со неговите пријатели во Белата куќа, Конгресот, мејнстрим медиумите, ЦДЦ, ФДА, НИХ и мејнстрим медицинската заедница), а не ние. Толку сум уверен во ова што сум подготвен да се обложам во еден милион долари дека сум во право… дека нашата страна лесно ќе победи во фер дебата меѓу двете страни, оценета од американскиот народ.

Услови за дебатата седека губитникот го плаќа победникот. Американскиот народ кој ќе ја гледа дебатата се гласачите. Дебатата може да биде еден на еден или можете да поканите што повеќе луѓе да ви помогнат на ваша страна, а јас во тој случај ќе поканам ист број експерти од моја страна. Така што би било сосема фер.

Ова е токму типот на отворена дискусија за која пред 2 години повика професорот на UCSF Винај Прасад во авторски текст, Научниците кои изразуваат различни ставови за КОВИД-19 треба да бидат слушнати, а не демонизирани. Отворената дискусија е ЕДИНСТВЕНИОТ начин да се запре дезинформацијата; тие пробаа сè друго и не успеаја. Ова е единственото нешто што не го пробале. Прасад е во право. Отворената дискусија е единствениот начин да се запре дезинформацијата; мора да се соочите со тоа директно. Пробаа сè друго и не успеаја: цензура, клевета, напади ad hominem, деплатформирање, закани за губење работа, губење лиценца, губење на привилегиите во болницата и губење на животи.

Тие техники на принуда никогаш нема да функционираат.

Поминаа две години од авторскиот текст на Прасад, но отворена дискусија меѓу експертите од двете страни никогаш не се случи. Затоа дезинформациите опстојуваат. Ниту еден јавен здравствен орган кој ги промовира политиките за КOVID-19 никогаш не се согласил да биде оспорен на неутрален форум. Никогаш. Еве што се случи во Канада кога тројца лекари ги предизвикаа сите власти за јавно здравје во Канада на дебата: ниту еден орган за јавно здравје не се појави. Зарем не е време да го промениме ова? На крајот на краиштата, како што рековте, „луѓето умираат поради дезинформации“. Да ставиме крај на овие непотребни смртни случаи. Сите ние од страната на „распространувачот на дезинформации“ сме во игра. Зошто не ја прифаќате мојата понуда за да ја оставиме јавноста да одлучи кој ги шири дезинформациите за КОВИД-19? Можете лесно да заработите 1 милион долари што можете да ги донирате во вашата омилена добротворна организација, да ставите крај на колебливоста за вакцините и да го запрете ширењето на опасни дезинформации (и смртни случаи) во една 4-часовна дебата. Ќе постигнете нешто што Белата куќа, ЦДЦ, ФДА, НИХ, сите технолошки компании, сите проверувачи на факти и главните медиуми не успеаја да го направат и покрај трошењето огромно време и пари. Немате што да изгубите. Тоа би било огромна јавна услуга.

А, ако еден милион долари не се доволни, јас сум подготвен да на секоја сума што ќе ја побарате, повисока или помала. Наведете ја вашата цена. Сепак, се надеваме дека не го правите тоа за парите. Тоа го правите за да спасите животи. И двајцата се согласуваме за тоа. Во ред е и ако сакате да го направите тоа бесплатно. Ние секако сме подготвени да го направиме тоа бесплатно. И не мора ни да присуствувате. Можете да назначите експерти на вашето место. Со задоволство ќе прифатиме!

(Стиве КЕРШ е претприемач, чие богатство се проценува на околу 200 милиони долари. Не од тие кои велат дека САРС КОВ 2 и КОВИД 19 не постојат, туку спаѓа во групата луѓе кои сметаат дека со вакцините се постигнува обратен ефект и дека треба да се прифати третирањето со ран третман, а вакцините, кои според него имаат енормно негативен ефект врз здравјето на луѓето, треба да се применуваат само кај највозрасните и кај ризичните групи. Вложи свои милиони во истражаувања за лекови за ран третман, а напорите посебно му беа насочени кон лекот флувоксамин – антидепресив, за кој тврдеше дека дава извонредни резулатите во лекувањето).