Во својата книга од речиси 600 страници, доктор открива дека најголемиот мит е дека треба да јадеме помалку за да изгубиме тежина.

Губењето тежина без диети и напор звучи бесмислено. Докторот Мајкл Грегер, автор на најпродаваната книга за здравје „Како да не се умре“, и основач на веб-страницата „NutritionFacts.org“ открива како тоа е сепак можно.

„Мразам книги за диети“, напиша лекарот во својата книга „Како да не бидам на диета: Неопислива наука за здраво, трајно слабеење“. Исто така, на неговиот список на работи што ги мрази се најдоа термините како што се псевдонаучно брборење, фотографиите пред и потоа, филери, фантазија.

Во својата книга тој открива дека најголем мит е дека треба да јадеме помалку за да изгубиме тежина. Јадете помалку, движете се повеќе – класичен совет што често ќе го слушнете, затоа што наводно калориите се калории. Сто калории пилешко и сто калории леблеби не е исто.

Тој открива пет навики што треба да се стекнат на секој оброк за да изгубиме тежина и да останеме фит.

Пијте многу течност. Водата природно го забрзува метаболизмот, па ако пиете голема чаша вода четири пати на ден, таа ќе избрише околу сто калории. Уште покорисно е ако водата е ладна – вашето тело треба да работи за да ја доведе таа течност на телесната температура – метаболизмот работи побрзо.

Исто така, чаша вода пред јадење ќе ви го наполни стомакот и затоа помалку ќе јадете за време на оброкот.

Внимателно изберете го предјадењето. Вашите први залаци можат да поправат или уништат оброк, тврди Грегер. Тие вистинските можат да одземат сто калории од главното јадење. За време на една студија, научниците послужиле група луѓе со чинија тестенини кои содржеле околу 900 калории. Еден дел од групата добил салата за мезе и луѓето автоматски изеле помалку тестенини, и „заштедиле“ околу 200 калории. Делот од групата што јадел големо јаболко „заштедил“ 300 калории. Се разбира, ова се однесува само ако салатата е без многу калории и без шеќер.

Користете јаболков оцет, кој има големо влијание врз слабеењето. Општо, тврди Грегер, киселата храна го стабилизира шеќерот во крвта и го забрзува метаболизмот. Сепак, не пијте оцет – додајте го во салати.

Фокусирај се на храната. Тргнете го вашиот мобилен телефон, телевизорот и игриците додека јадете. Вашиот фокус од храната оди кон технологија, што несвесно ве тера да јадете повеќе. Студијата открила дека маж и жена кои јаделе додека гледале телевизија изеле најмалку едно парче повеќе пица од оние кои не го правеле тоа. Една група луѓе изеле 77% повеќе сладолед и слатки додека слушале радио отколку оние што јаделе во тишина.

Јадете полека! Секој е зафатен, но можете да одвоите дваесет минути за јадење. Овие дваесет минути мир овозможуваат да се развивајат вашите природни сигнали на ситост, тоа чувство на исполнетост на умот и телото за да добиете целосен ефект. Ако ги следите овие насоки, веќе сте на половина пат до целта. Тој, исто така, советува да јадете помали залаци, да џвакате долго и да користите помали чинии.