Американскиот државен секретар Марко Рубио денеска изјави дека САД се убедени во безбедноста на сите свои бази.
Тој, одговарајќи на прашање за одлуката на САД да ги повлече своите воени авиони бомбардери Б-1 од британската база Феарфорд, истакна дека Пентагон постојано ги пренасочува ресурсите таму каде се неопходни.
Рубио истакна дека не би го поврзал директно минатонеделниот инцидент во британската база, при што пет лица се приведени под сомнение дека подготвувале терористички напад, со одлуката на американското Министерство за одбрана за повлекување на авионите Б-1 од базата Феарфорд.
Тој додаде дека британските власти обезбедиле целосна соработка во случајот.
