Со сведоци предложени од одбраната денеска во Кривичниот суд Скопје продолжи судењето за петкратно yбиство кај Смилковското Езеро во април 2012 година.

Сведокот Назиф Буши во својот исказ пред судот рече дека со Сами Љута, (обвинет во случајот ,„Монструм”) живеат во иста населба, односно дека Љута живее блиску до неговите први братучеди.

– Обвинетиот Фејзи Азири го познавам од активности на партијата, кога бев назначен како координатор на партијата во Чучер Сандево. Сами Љута живее во близина на Сенад Буши, мој прв братучед. Тој беше присутен и на свадбата на мојот братучед. Косата му беше слична како сега, рече сведокот Буши.

Другиот сведок на одбраната Шевал Алити, сведочеше за денот на убиството во Смилковско Езеро. Алити во својот исказ кажа дека тој ден бил кај Смилковското Езеро со девојка.

– Десет минути од кога стигнав кај Смилковско Езеро, дојде една кола со двајца Алфи. Се сеќавам темница беше, за точно време не се сеќавам. Алфите не легитимира. Додека бев таму не слушнав ништо. Алфите ни ги зема личните карти и ни рекоа да седиме во кола, до 23:30, рече сведокот Алити.

Истиот, како што посочи обвинителката Фатиме Фетаи, давал изјава и во СЈО, но таа не го предложила како сведок зошто не кажал ништо суштински.

Пред започнување на рочиштето судијата Огнен Ставрев рече дека барал од МВР да го најдат лицето Вахид Берат, но не го нашле.

– Вахид Берат не работи веќе во МВР, добил отказ, отиден е во Германија и од тогаш не е достапен. МВР цел викенд го бараше, наведе судијата Ставрев.

Освен вербални докази на денешното рочиште за ,,Монструм” беа презентирани и материјални докази.

За убиството на момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски во април 2012 година обвинети се Алил Демири и Африм Исмаиловиќ (во бегство) и Агим Исмаиловиќ, Фејзи и Хаки Азири и Сами Љута.

Судењето за овој предмет го води судската двојка Огнен Ставрев и Осман Шабани, додека обвинението го застапуваат обвинителите Фатиме Фетаи и Гаврил Бубевски.

Судењето продолжува на 25 септември

Судењето за случајот ,,Монструм” продолжува на 25 септември, за кога е предвидено да сведочат тројца сведоци предложени од одбраната, од кои еден е полициски службеник од единицата Алфа.

Судијата Огнен Ставрев пред завршување на денешното рочиште наведе дека за две рочиште би требало да заврши доказната постапка, односно после ова фаза на странките ќе им даде време за подготвување на завршни зборови.

На денешното рочиште за „Монструм” беа презентирани вербални и материјални докази од сведоци предложени од одбраната.

За убиството на момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски во април 2012 година обвинети се Алил Демири и Африм Исмаиловиќ (во бегство) и Агим Исмаиловиќ, Фејзи и Хаки Азири и Сами Љута.

Судењето за овој предмет го води судската двојка Огнен Ставрев и Осман Шабани, додека обвинението го застапуваат обвинителите Фатиме Фетаи и Гаврил Бубевски.