Руски патнички авион принудно слета в поле во ниви, во близина на аеродромот „Жуковски“, набрзо по полетувањето од Москва, откако птици влегле во двата мотора на леталото.
Никој од 234 патници и членови на екипажот не е повреден.
Компанијата Урал ерлајнс соопштила дека нејзиниот авион полетал од Москва за Симферопољ, кога птици влегле во моторите, како и дека во инцидентот никој не е повреден, објави Ројтерс.
– Дојде до принудно слетување во Жуковски. Птици влегле во двата мотора. Моторите се угасиле, а екипажот ивршил слетување, еден километар од пистата, изјавил Сергеј Скуратов, генерален директор на компанијата Урал ерлајнс.
Тој додал дека слетувањето било направено адекватно, дека ветрот не го зафатил авионот и дека сите патници се евакуирани. На лице место се 20 екипи на итната помош, а ангажирани се и два хеликоптери.
