На патниот правец Струга-граничен премин Ќафасан има забрана за сообраќај за тешки товарни возила, додека забраната за тешки товарни возила преку планинскиот превој Стража е укината утринава во 06:40 часот, информира Авто мото сојузот на Македонија.

На останатите патни правци низ државата сообраќајот се одвива по претежно влажни коловози, а на повисоките места има остатоци од кашест снег и по интервенцијата на дежурните екипи на ЈП „Македонијапат“

Надвор од градските средини, интензитетот на сообраќај е умерен, а на граничните премини, од македонска страна, нема подолги задржувања за влез и излез од државата. бак/

Во Маврови Анови половина метар снежна покривка

Во Маврови Анови утрово е измерена најниска температура од седум степени под нулата. Следат Крушево со -6, -4 Охрид, -3 Претор, -2 во Крива Паланка, Тетово, Битола и Берово, -1 во Прилеп и Дебар, 0 Виница, Куманово, 2 Скопје-Зајчев Рид, Штип, 3 Демир Капија, Струмица, 4 Дојран и 5 степени Гевгелија.

Во Маврови Анови во 7 часот е измерена и највисока снежна покривка од половина метар, 26 сантиметри во Крушево, 25 Попова Шапка, 24 Пожаране, 18 Битола, 10 Охрид, 9 Ѓуриште, 8 Дебар, 4 Берово, Прилеп, 3 Претор.

За изминатите 24 часа најмногу дожд од 25 во л/м2 има наврнато во Маврово, 21 Дебар, 17 Битола, 15 Охрид, 14 Пожаране, 13 Виница, 8 Претор, Крушево, 7 Берово, 6 Кр.Паланка, Струмица, Д.Капија, Дојран, 5 Прилеп, Тетово, 4 Штип, 3 Скопје-Петровец, Куманово, 2 Скопје-З.Рид, Гевгелија.

Времето денеска променливо облачно и постудено. Претежно во планинските подрачја ќе провејува слаб снег. Ќе дува засилен, повремено силен ветер од северен правец (над 70км/ч.), особено вдолж Повардарието и во источните делови. Максималната температура ќе биде во интервал од 1 до 8 степени.

Во Скопје, променливо облачно со засилен, повремено силен северен ветер. Максималната температура ќе достигне до 6 степени.

Укинати забраните за сообраќај за камиони на патните правци Маврово – Дебар и Струга – Ќафасан

Укинати се забраните за сообраќај на тешки товарни возила на патниот правец крак Маврово – Дебар и на Струга – Граничен премин Ќафасан.

Како што информира АМСМ, забраната за сообраќај е укината од 9:00 часот.