Иранското Министерство за разузнавање и Корпусот на Исламската револуционерна гарда излегоа со заеднички став дека зад протестите во земјата стојат разузнавачките агенции на САД, Велика Британија, Израел и Саудиска Арабија.

Како што се наведува во заедничката изјава, странските разузнавачки агенции „очигледно одиграле улога во немирите и насилството во Иран, со цел да ја поткопаат безбедноста на земјата“, наведе Тасс.

Во соопштението се додава дека „повеќето од немирите биле поттикнати од членови на израелски Мосад во соработка со радикални исламски групи“.

Иран ги обвинува странските разузнавачки агенции дека испраќаат воена и шпионска опрема во земјата и дека американската разузнавачка служба обучувала ирански агенти, вклучувајќи го и камерманот кој прв ја снимил Махса Амин додека била во болница.

Протестите во Иран почнаа по смртта на 22-годишната Махса Амин, на 16 септември, кога беше уапсена од полицијата за морал поради неправилно носење хиџаб.