Петра Тернер, млада успешна жена, страствен љубител на патувања, јога и ајурведска исхрана, голема креативка во кујната, но, исто така, една од 1,4 милиони луѓе во Европа кои страдаат од Кронова болест.
Станува збор за воспалително заболување на дигестивниот систем, чија причина е непозната, но се сомнева дека е од комбинација на генетски предиспозиции и фактори на животната средина. Секој кој се соочува со оваа дијагноза, го менува животот. И за Петра, како што вели, дијагнозата значела промени, но – што е уште поважно – и почетокот на еден нов, подобар начин на живот, така што денес нејзината состојба не ја доживува како болест, туку – стил на живот.
За да им покаже на сите дека секојдневниот живот може да биде многу добар и, се разбира, без откажувања, го покренува блогот „To live a life“ или „Да се живее живот”. Блогот, кој во својот наслов крие интересно име „јас и г-дин Корон”, Петра јасно покажува колку е важно да се ставите на прво место.
Блогот содржи три категории – рецепти, патувања и совети, каде што можете да најдете детали од животот на еден млад блогер кој може да ви помогне во планирањето здрави навики.
„Пробувајќи разни јадења, подготовувајќи нови специјалитети за сопругот, семејство и пријатели, истражувајќи нови ресторани и дестинации, сфатив дека сакам да ги споделам моите кулинарски идеи, доживувањата на патувањата со другите, особено со оние со Кронова болест. Медиумите често пишуваат за оваа болест, но ако сакате да најдете некој корисен рецепт или конкретен совет, нема такво нешто, па мислам дека мојот блог ќе биде од голема помош “, вели Петра.
